Një fushë e madhe me gjelbërim dhe ajër të pastër, ku çdo lojë është një aventurë e re! Këtu kemi rikthyer lojërat tradicionale shqiptare, duke i kombinuar me atraksione bashkëkohore për të krijuar një eksperiencë unike për fëmijët. Ata mund të rrëshqasin në tobogan, të luajnë futboll në fushën e mbuluar me kashtë ose të sfidojnë veten në labirinthin e madh të ndërtuar me kashtë. Gjithashtu, fëmijët mund bëjnë ‘climbing’ në tabelat për ngjitje, të ecin nëpër rrasa druri dhe në litarë, duke zhvilluar ekuilibrin dhe koordinimin, ndërsa për adrenalinë më të lartë ofrohet edhe ‘fluturimi në sanë’ – një kërcim i butë dhe i sigurt mbi sanën e freskët.

Për ata që duan lëvizje të më dinamike, ofrohen gara me biçikleta dhe loja e futbollit me topa zorbing, ku fëmijët futen brenda topave të mëdhenj për një lojë krejt ndryshe dhe shumë argëtuese. Luhajat e mëdha nën qiellin e hapur sjellin çaste gëzimi dhe lirie, ndërsa në ditët e nxehta, lojërat në ujë në liqenin e Parkut të Lojërave ofrojnë freski dhe kënaqësi të veçantë. Ky park është menduar për të sjellë gëzim, zhvillim fizik dhe përjetime të paharrueshme në çdo vizitë, duke bërë që çdo fëmijë të largohet me buzëqeshje dhe kujtime të bukura.