Hapet së shpejti!
Një botë e madhe,
në një fshat të vogël...
Përralla e një fshati që shndërrohet në destinacion...
Një hapësirë ku fëmijët takohen me ëndërrat e tyre, e të rriturit shijojnë ndjenjën e lirisë. Një vend ku ditët shndërrohen në orë, e netët në album kujtimesh….
Është një përrallë e një fshati të harruar që shndërrohet në një destinacion, ku çdo fshatar është një tregimtar dhe çdo mysafir bëhet pjesë e një rrëfimi që shtrihet përtej qëndrimit të tij në fshat.
I shtrirë rrëzë malit në një hapësirë prej 13.5 hektarësh, fshati është një oazë lumturie për familjet dhe të pasionuarit pas natyrës.
Kasollet
e fshatit
Frymëzuar nga tradita shqiptare dhe ndërtuar mbi vlera të ekologjisë dhe ruajtjes së mjedisit, kemi ndërtuar 22 kasolle nga druri dhe guri natyral, të vendosura harmonikisht në një ambient kodrinor.
Kopshti
i kafshëve
Kopshti shtrihet në një hapësirë prej 2 hektarësh dhe përfshin mbi 150 kafshë, çerdhen e kafshëve, muzeun, hotelin për kuaj dhe kafshë të tjera, si dhe shitoren e dedikuar për ushqimin e tyre.
Restoranti
Në zemër të natyrës dhe qetësisë që ofron fshati, restoranti ynë ju mirëpret me ushqim të shijshëm, mikpritje të ngrohtë dhe një ambient tradicional që sjell kënaqësi të plotë për çdo vizitor.
Një strehë magjike në natyrë,
për kujtime të paharrueshme…
Vendi ku fillojnë kujtimet...
Aventura e përjetime që nuk harrohen kurrë.
Aktivitete
me kuaj
Kalërim në shtigjet e brendshme të fshatit dhe të jashtme, shëtitja me qeze/pajton.
Rekreativo-sportive
Parku i lojërave, zorbing, zip-line, hiking, patinazh në akull natyral, skijoring.
Kulturore
dhe artistike
Ekspozita, koncerte të hapura të muzikës, muzikë të vjetër qytetare, koloni arti.
Edukative
Programet edukative në kopshtin e kafshëve, screen-detox, lidhja me natyrën, scouting, kampe për fëmijë.
Kulinare
Festivali i suxhukut, fasules, flisë, pogaçes. Javet e kuzhinës ndërkombetare.
Aktivitete
për biznese
Aktivitete për Team Building, evente speciale, konferenca.
Një udhëtim në botën magjike të kafshëve...
Kafshët e kopshtit
Kopshti është shtëpi e më shumë se 150 kafshëve, si: kuaj, gomerë, lopë, buallica,llama,alpaka,dhi,dele,makushë,struca,pula, gjeldeti, pata,rosa,paunë, kaproj, qen, mace, lepuj etj.
Aktivitetet ditore
Mjelja e kafshëve shtëpiake, mbledhja e vezëve, të njohim kafshët, momente me kafshët, mësojmë traditën në muze, ushqejmë të vegjlit e kafshëve, etj.
Hoteli i kafshëve
Hoteli ynë ofron shërbime të posaçme për ruajtjen dhe kujdesin e kuajve, ideale për ata që nuk kanë hapësirë. Gjithashtu, ofrojmë ambiente komode për qen, mace dhe shpezë, duke garantuar një mjedis të sigurt dhe të rehatshëm për të gjitha kafshët tuaja.
Muzeu i fshatit
Muzeu në Kopshtin e Kafshëve ofron një koleksion të veglave dhe mjeteve të vjetra, të përdorura më parë për kujdesin dhe mirëmbajtjen e kafshëve. Aty do të shihni dhe mësoni për historinë dhe zhvillimin e trajtimit të kafshëve ndër vite.
Një oazë kulinare me aromat e natyrës, shijet e traditës sonë dhe ambientit që të mahnit...
Mrekullitë e natyrës. Produkte që flasin për zemrën e fshatit!
Në shitoren e fshatit, çdo produkt përfaqëson dashurinë dhe përkushtimin e fshatarëve, duke sjellë në çdo shtëpi freskinë dhe shijen e traditës. Këtu, çdo blerje është një përvojë emocionuese që lidh familjet me rrënjët e tyre dhe aromat e dashurisë së natyrës.