Me gjithsej nëntë të tilla, kasollet e vogla ofrojnë një eksperiencë unike akomodimi. Me një sipërfaqe prej 20 m², këto kasolle janë ideale për çifte, individë ose ata që kërkojnë një përvojë fshati, të lidhur ngushtë me natyrën përreth.

Dizajni unik me kulme ovale dhe dritaren e madhe që përshkon tërë pjesën ballore të kasolles, i bën këto kasolle një strehë magjike që duhet ta përjetoni patjetër. Kasollet kanë një dhomë të vetme me një shtrat me kashtë dhe erëza relaksuese nga malet përreth, mbi të cilin është vendosur një shtresë dysheku për rehati shtesë. Secila kasolle bart një emër të llojeve të luleve autentike që rriten në Kosovë, duke i lidhur ngushtë me florën lokale dhe bukuritë natyrore të vendit tonë.