Aktivitete
për bizneset
Fshati Turistik “Kasollet e Zanave” është destinacioni ideal për bizneset që dëshirojnë të organizojnë aktivitete të ndryshme në një ambient natyror, larg stresit dhe zhurmës së qytetit. Me hapësira të dedikuara për konferenca, aktivitete në grup dhe relaksim, fshati ofron përvoja unike për ndërtimin e ekipeve (team buildings), zhvillimin profesional dhe mirëqenien e punonjësve.
Retreat korporativ dhe ndërtimi i ekipeve
Në Fshatin Turistik “Kasollet e Zanave”, bizneset mund të organizojnë punëtori, seminare dhe trajnime në sallën e konferencave ose në natyrë, duke përfituar nga një ambient frymëzues dhe i qetë.
Aktivitetet e ndërtimit të ekipeve ndihmojnë në forcimin e komunikimit dhe bashkëpunimit mes punonjësve. Këto përfshijnë lojëra të besimit, sfida për zgjidhjen e problemeve dhe sporte të jashtme si futboll në kashtë dhe tërheqja e litarit. Një aktivitet i veçantë është “Scavenger Hunt”, ku ekipet ndahen dhe marrin detyra të ndryshme nëpër fshat, duke kërkuar objekte ose duke përmbushur sfida të caktuara. Ky aktivitet jo vetëm që rrit ndërveprimin dhe argëtimin, por edhe përmirëson aftësitë e bashkëpunimit dhe zgjidhjes së problemeve në grup.
Evente për shpërblimin e punonjësve dhe klientëve
Një mënyrë e shkëlqyer për të motivuar punonjësit dhe për të forcuar lidhjet me klientët është organizimi i eventeve të veçanta në Fshatin Turistik “Kasollet e Zanave”.
Këto përfshijnë darka gala me ushqime tradicionale dhe moderne, evente ekskluzive për klientët besnikë, si dhe ekskursione të personalizuara. Një tjetër mundësi është organizimi i një nate të veçantë në kinemanë në natyrë për punonjëst, ku mund të shfaqen filma motivues ose dokumentarë frymëzues.
Mirëqenia dhe relaksimi
Për të promovuar mirëqenien e punonjësve dhe uljen e stresit, fshati ofron seanca joga dhe meditimi në natyrë, të udhëhequra nga trajnerë të specializuar.
Bizneset mund të organizojnë edhe retreat-e relaksuese me trajtime si sauna dhe vaskë të nxehtë në ambientet e fshatit. Për ata që preferojnë aktivitetet fizike, ofrohen sfida të trupit dhe mendjes, ecje në mal, kalërim dhe çiklizëm, duke kombinuar aktivitetin fizik me natyrën e bukur të zonës.
Angazhimi mjedisor dhe përgjegjësia sociale korporative (CSR)
Bizneset që dëshirojnë të kontribuojnë në mjedisin dhe komunitetin lokal mund të organizojnë aktivitete për ruajtjen e natyrës dhe projekte të përgjegjësisë sociale të korporatave.
Këto përfshijnë pastrimin e zonave natyrore, mbjelljen e pemëve dhe punëtoritë edukuese mbi praktikat e qëndrueshmërisë. Pjesëmarrësit mund të mësojnë rreth eko-turizmit dhe të angazhohen në aktivitete që ndihmojnë ruajtjen e biodiversitetit të zonës.
Aktivitete, aventurë dhe eksperienca unike
Për ekipet që dëshirojnë aventura dhe eksperienca unike, fshati ofron një gamë të gjerë aktivitetesh në natyrë.
Ekskursionet dhe udhëtimet e udhëhequra në mal u mundësojnë pjesëmarrësve të eksplorojnë natyrën e mrekullueshme përreth. Për ata që kërkojnë emocione të forta, organizohen kalërime, peshkim sportiv dhe aktivitete të tjera të që forcojnë shpirtin e ekipit.
Gjithashtu, pjesëmarrësit mund të mësojnë shkathtësi të ndryshme, përmes kurseve të gatimit, degustimeve të verës dhe punëtorive të artit, duke sjellë një dimension të ri të relaksimit dhe argëtimit.
Përvoja kreative dhe punëtori inovative
Për kompanitë që kërkojnë të nxisin kreativitetin dhe inovacionin, ofrohen punëtori pikture dhe fotografie, duke i lejuar punonjësit të eksplorojnë anën e tyre artistike dhe të zhvillojnë aftësi të reja.
Gjithashtu, për industrinë teknologjike dhe atë kreative, mund të organizohen sfida inovative dhe hackathona në një ambient të qetë dhe frymëzues, duke krijuar mundësinë për ide të reja dhe bashkëpunime të suksesshme.
Krijoni kujtime unike në fshatin turistik "Kasollet e Zanave"
Një përvojë autentike në mes të natyrës, me ambient mahnitës, specialitete tradicionale, verëra cilësore dhe mikpritje të ngrohtë.
Restoranti
Me një sipërfaqe prej 3000 m² dhe mbi 200 kafshë të ndryshme, ku organizohen aktivitete edukative për vizitorët.
Kopshti i kafshëve
