Vetëm rreth 30 km nga Prishtina, mes peizazheve të paprekura të maleve të Gollakut, Kasollet e Zanave ju ftojnë të përjetoni Kosovën ndryshe.
Kjo nuk është vetëm një paketë akomodimi. Është një përvojë e plotë që bashkon natyrën, aventurën, gastronominë dhe traditën shqiptare në një program të organizuar prej 3 ditësh dhe 2 netësh.
Gjatë kësaj përvoje do të eksploroni shtigje malore, do të kalëroni në natyrë, do të shijoni degustim verërash dhe darkë tradicionale te Hija e Kumbullave, do të përjetoni shëtitje me traktor tradicional, do të mësoni të përgatisni flinë, do të shijoni mbrëmje rreth zjarrit me muzikë live, do të relaksoheni me yoga dhe meditim në natyrë, si dhe do të përjetoni emocionin e Mountain Zorbing dhe Soccer Zorbing.
Në Kasollet e Zanave nuk jeni vetëm mysafir. Ju bëheni pjesë e jetës së fshatit, gastronomisë vendore dhe mikpritjes shqiptare.
Kjo paketë është ideale për grupe prej 6 deri në 12 personash.
09:00 – Mirëseardhje, kafe dhe pije freskuese
Mysafirët mirëpriten në Kasollet e Zanave, bëhet prezantimi i programit,
njohja me guidën dhe jepen udhëzimet për aktivitetin e parë.
09:30 – Hiking i udhëhequr (4–5 orë)
Eksplorim i shtigjeve malore të Gollakut me guidë profesionale, duke zbuluar
natyrën, florën, faunën dhe pikat panoramike të zonës.
13:00 – Piknik tradicional në natyrë
Dreka shërbehet në një nga pikat panoramike të shtegut dhe përfshin produkte
tradicionale vendore, pije freskuese dhe fruta të stinës.
14:30 – Kthimi në Kasollet e Zanave
15:00 – Check-in dhe kohë për pushim
Vendosja në kasolle, kohë për dush dhe relaksim para aktiviteteve të mbrëmjes.
17:30 – Shëtitje panoramike me traktor tradicional
Një përvojë autentike në natyrë me traktor tradicional.
18:00 – Degustim verërash te Hija e Kumbullave
Degustim i verërave vendore i shoqëruar me djathëra artizanalë, mishra të tharë,
bukë tradicionale dhe produkte sezonale.
20:00 – Darkë tradicionale te Hija e Kumbullave
Një darkë në ambient të hapur me specialitete tradicionale, në një atmosferë
relaksuese mes natyrës.
08:30 – Mëngjes
Mëngjes me produkte të freskëta vendore për të nisur ditën plot energji.
10:00 – Kalërim gjithëditor me drekë në natyrë
Aventurë në shtigjet malore të Gollakut me kuaj të trajnuar dhe guida profesionale.
Gjatë rrugës organizohet drekë tradicionale në natyrë, duke ofruar një përvojë
autentike mes peizazheve të paprekura.
18:00 – Kthimi në Kasollet e Zanave
20:00 – Mbrëmje tradicionale me darkë dhe muzikë live
Darkë me specialitete tradicionale e shoqëruar me muzikë live dhe atmosferë
autentike shqiptare.
08:00 – Yoga dhe meditim
Seancë relaksuese në natyrë për të nisur ditën me qetësi, frymëmarrje të kontrolluar
dhe energji pozitive.
09:30 – Mëngjes
Mëngjes me produkte të freskëta vendore në Kasollet e Zanave.
11:00 – Punëtori e Flisë
Përvojë tradicionale ku mysafirët njihen me mënyrën e përgatitjes së flisë,
një nga specialitetet më autentike shqiptare.
13:30 – Drekë tradicionale
Drekë me specialitete vendore të përgatitura sipas programit.
15:30 – Mountain Zorbing & Soccer Zorbing
Aktivitete argëtuese në natyrë me adrenalinë, lëvizje dhe energji grupore.
17:00 – Përvoja autentike në fermë
Njohje nga afër me jetën në fermë dhe aktivitetet e përditshme të fshatit. Mysafirët mund të përfshihen në ushqimin e kafshëve, mjeljen e dhive ose lopëve, kujdesin për kuajt dhe shëtitjen me qerre me kuaj, sipas sezonit dhe disponueshmërisë.
18:00 – Ceremonia përmbyllëse dhe suvenir
Përmbyllje e përvojës me një suvenir tradicional si kujtim nga Kasollet e Zanave.
